„Советот на Општина Крива Паланка, со поддршка на мнозинството од коалицијата на ВМРО-ДПМНЕ, донесе одлука за зголемување на цените за услугите на Јавното претпријатие „Комуналец“. За само една година, по втор пат ВМРО-ДПМНЕ удира по џебот на граѓаните на Крива Паланка.
Со оваа одлука на советниците на ВМРО-ДМНЕ погребалните услуги се зголемени за цели 63%. Ако до сега, граѓаните плаќаа 5.000 денари, сега оваа сума е зголемена на 8.000 денари.
Пред неполна година, мнозинството предводено од ВМРО-ДПМНЕ донесе одлуки за поскапување на комуналните услуги за цели 64%. Водата за пиење тогаш беше покачена од 17 на 24 денари за физички, и од 26 на 38 денари за правни лица. Месечниот надоместок за собирање на смет беше покачен од 140 на дури 230 денари за домаќинствата, а за правните лица на 16 денари од метар квадратен. Одржувањето на градските гробишта беше зголемено од 300 на 500 денари.
Боде во очи тоа што и минатогодишното и овогодишното поскапување на комуналните услуги, следи неполни два месеци по изборните циклуси“, се вели во соопштението на СДСМ.
