„Последните објавени информации дека коалицијата на ВМРО-ДПМНЕ од претходните парламентарни избори не платила данок на државата, се уште еден доказ за лицемерното, неодговорно и антидржавно однесување на ВМРО-ДПМНЕ.
Долгот што ВМРО-ДПМНЕ го има кон државата, поради неплатен данок, докажува дека партијата на Никола Груевски, воопшто не ја интересираат ниту граѓаните ниту државата.
Крајно лицемерно е ВМРО-ДПМНЕ, најбогатата партија во Европа, да глуми загриженост за економијата и буџетот на Република Македонија, а истовремено да не ги исполнува своите законски обврски за плаќање на даноци.
Доколку ВМРО-ДПМНЕ мислеше на државата и нејзините граѓани, а не на криминалните апетити на Груевски, тогаш, како и секое друго правно и физичко лице, навремено ќе ги исплаќаше своите обврски кон државата“, се вели во соопштението на СДСМ.
