СДСМ: ВМРО-ДПМНЕ да ги повика своите функционери да ги повлечат роднините од работните места

Од:

Списокот на ВМРО-ДПМНЕ е фаличен. На списокот недостасуваат роднините на функционери на ВМРО-ДПМНЕ кои се вработени во државни институции и јавни и државни претпријатија во 11-те години криминално владеење, реагираа од СДСМ на прес-конференцијата на портпаролот на ВМРО-ДПМНЕ, Димче Арсовски.

„Меѓу нив се и братучедот на Христијан Мицкоски, сестрата и таткото на генералниот секретар Игор Јанушев, вујкото, братучедот, снаата, братучетката и зетот на Антонио Милошоски, сестрата, сопругата, вујкото, тетката на Димитар Стевананџија, ќерката и братот на членката на раководството на ВМРО-ДПМНЕ и поранешна директорка на УЈП, Анастасија Илиеска.

Доколку во ВМРО-ДПМНЕ навистина се загрижени за администрацијата еве шанса да го покажат тоа и на дело – нека ги повикаат сите партиски функционери да ги повлечат своите роднини од работните места во адмнистрацијата и државните претпријатија што ги добиле за време на апсолутната власт на ВМРО-ДПМНЕ.

Откако ќе ги повика, ВМРО-ДПМНЕ нека ги достави овие имиња до Државната комисија за спречување на корупција.

Добро е што Државната комисија за спречување на корупцијата отвора случаи. Ги очекуваме одлуките на ова независно тело.

Истовремено, најавуваме дека ќе поднесеме претставки за сите останати случаи на вработувања на роднини на функционерите на ВМРО-ДПМНЕ“, се вели во реакцијата на СДСМ.

Од партијата додаваат дека СДСМ нуди решенија и веќе започнаа првите повлекувања, време е да почне повлекувањето на роднините на функционерите од ВМРО-ДПМНЕ, во име на борбата против непотизмот, стои во соопштението.

Би можело да ве интересира

СДСМ: Љутков постојано е на пат, повеќе е во странство отколку на своето работно место

СДСМ: РЕК Битола работи на продолжен кабел

Манасиевски: Фирма за тендери – Стентон Градба во време на СДС 90% од приходите ги имала од јавни набавки

Димитриевски: Актуелниот ДУП е донесен во 2010 година во време на поранешниот градоначалник Зоран Дамјановски

Филипче од Неготино: Владата на ВМРО-ДПМНЕ нема капацитет и идеја за водење на државата

А1он

(ВИДЕО) СДСМ: Кумот на Максим Димитриевски со поддршка на ДУИ си спечали 350.000 евра