„Коце Трајановски имаше цели осум години да изгради нов модерен забавен парк. Но наместо тоа, Трајановски се расфрлаше со парите на граѓаните за тендери со кои се богатеа Никола Груевски и неговите соработници.
Досега се потрошени илјадници евра пари на граѓаните за студии и елаборати за нов луна парк што Трајановски со години го ветуваше и до денес го нема. Неодговорно е пред крајот на мандатот, Трајановски да најавува дека ќе потроши нови 6,5 милиони евра.
По промените на централно ниво, Град Скопје и останатите општини ќе добијат нови одговорни власти, а ќе се дознае и за што навистина се трошеле парите на граѓаните. Новата локална власт на Град Скопје ќе се посвети на решавање на проблемите и потребите на граѓаните и тоа ќе го прави навремено и отчетно, а парите на граѓаните нема да се расфрлаат за лажен барок, палми, тркала и останати непродуктивни трошоци“, се вели во соопштението на СДСМ.