„Откако на граѓаните им се поплавија домови и подруми и им се направија огромни штети од дождовите, откако јавноста почна нервозно да реагира на парадирањата на Коце Трајановски со гумени чизми по базените вода на скопските улици, скопкиот градочачалник конечно излезе на терен да ги види проблемите.
Многу доцни Коце Трајановски.
До сега требаше да биде поставена атмосферска канализација: на булеварот „Киро Глигоров“, на булеварот „Србија“, на клучката кај Континентал, кај подвозникот кон Пржино, во Кисела Вода.
Трајановски ги задолжи скопјани за раскош и луксуз, за Панорамски тркала, барокни фасади, споменици.
Коце Трајановски ги остави скопјани без атмосферски канализации, без пречистителна станица, училишта, подземна сообраќајница, трамвај, без есенцијалните потреби на граѓаните.
Граѓаните заслужуваат повеќе и подобро од тоа да се дават во поплави и да се гушат во смог во 21-от век“, се вели во писмената реакција на СДСМ на изјавата на Коце Трајановски.
.