На најавата на министерот за здравство, Никола Тодоров дека за 11 болници ќе набавува нов остеосинтетски материјал, СДСМ регаираше дека се држат непотребни пресови за нешто што е секојдневна работа на едно министерство.
„Веќе на сите ни е јасно дека министерот Тодоров, во време кога јавното здравство во Македонија е во фаза на целосен распад, нема намера да се зафати со најсуштинските прашања, а тоа е сè полошиот квалитет на здравствена услуга што ја добиваат болните лица, заминување на квалитетни доктори од јавното здравство, заради огромното незадоволство од сé што се случува, и огромните долгови на болниците кои растат од ден во ден“, се вели во соопштението на СДСМ.