„Илија Димовски се надмина себе си во својата денешна колумна.
„Ниту еден политичар не може да се оправда на неодговорност на некој пред него“ – си порача Димовски себе си, на Груевски, на Центарот за комуникации на ВМРО-ДПМНЕ, на коишто клучно оправдување за сите нивни катастрофални политики им е наводна вина на некој друг.
Државните и националните интереси 9-та година ги загрозува тесната група на власт којашто од Македонија тргна да прави Белизе и Панама, оддалечувајќи ја земјата од европскиот пат.
Не СДСМ, туку Светска банка констатира дека 180 илјади луѓе во Македонија живеат со по 40 денари на ден.
Не само СДСМ, туку и ММФ заедно со САД, Велика Британија и Германија констатираат нетранспарентност на власта во зголемувањето на јавниот долг.
Не само СДСМ, туку и Европската комисија, најдиректно, изрази загриженост за политизација на институциите, за владина контрола врз медиумите, за немање демократски простор опозицијата да ја извршува својата улога во земјава.
Проблемот на Илија Димовски и на ВМРО-ДПМНЕ е што повеќе нема простор за нивната разгаленост“, се вели во писмената реакција на СДСМ на изнесените ставови на Илија Димовски.