СДСМ реагира на соопштението на ВМРО-ДПМНЕ за намалување на сиромаштијата, наведувајќи дека е срамно како прва мерка за намалување на сиромаштијата партијата да ги наведува наведува народните кујни.
-Реално намалување на невработеноста нема. Квалификуваната работна сила бега во странство. Над 450 илјади луѓе се заминати од Македонија, незапаметено досега! Лошите економски политики на Никола Груевски генерираат сиромаштија. Мерките што ги набројува ВМРО-ДПМНЕ се трошки за гладниот народ со коишто власта ги држи зависни граѓаните од минимална државна помош. И неа, прашање е дали ќе ја добијат ако немаат партиска книшка. Тоа е реалноста. Груевски стимулира сиромаштија, за потоа да манипулира со неа, за тесно партиски и фамилијарни цели“ – велат од СДСМ.