Во интерес на учениците и нивниот образовен процес, наставата мора да продолжи да се одвива непречено. Отсуството од наставата може да доведе до пролонгирање на школската година, негативно да влијае врз уписите, како и врз полагањето на стручен испит за околу 500 наставници рече на прес конференција пратеникот од СДСМ Ненад Коциќ.
– Правото на штрајк е загарантирано, но интересот на децата мора да биде на прво место и до решение да се дојде преку дијалог. Имајќи предвид дека за време на штрајк на наставниците им се исплаќа само основната плата и придонесите. Поголеми плати во образованието ќе има. СДСМ преку Владата што ја предводи во континуитет покажува вистинска грижа за образованието. Затоа, уште еднаш апелираме СОНК да се врати на дијалогот, наставниците да се вратат на своите работни места и наставата да продолжи вели Коциќ.