„Да беше Владата на ВМРО-ДПМНЕ и ДУИ минимално посветена на образованието немаше проблемот со огромните долгови на основните и средните училишта да ескалира, учениците немаше да седат дома а најмлаку ќе мрзнеа во ладни училници.
Како ВМРО-ДПМНЕ може да тврди дека нивната влада ги остварила сите проекти во образованието кога децата ширум Македонија пешки одат на училиште по дожд, поради проблеми со превозот, а учениците мрзнат во незагреани училници, без греење?
Тоа ли се ефектите од сите реализирани проекти на ВМРО-ДПМНЕ во образованието, смрзнати ученици и училишта во долгови?
Проблемот со долговите на училиштата е сериозен. Цената за неодговорноста на власта ја плаќаат децата и родителите. Наместо паушално напишани соопштенија ВМРО-ДПМНЕ нека ги засука ракавите и нека превземе мерки за решавање на наталожените проблеми.
Доколку исплатата на блок дотациите е во целост реализирана, како што тврди ВМРО-ДПМНЕ, а училиштата немаат средства да платат ниту греење ниту сметки за струја, тоа е дополнителна причина власта веднаш да ги примени сите мерки што денес ги предложи СДСМ.
Тие се во интерес на децата, родителите и сите граѓани“, се вели во писмената реакција на СДСМ на соопштението на ВМРО-ДПМНЕ за пресот на Дејан Павлески.