„Да мислеше Никола Груевски наместо на своите интереси, на интересите на граѓаните, жителите на Шуто Оризари досега ќе имаа водовод.
Колку се важни граѓаните на Шуто Оризари за Груевски и за Коце Трајановски покажува фактот што за најавениот водовод нема предвидено средства во основните буџети на градот и на државата.
Слушна Груевски термин „избори“ и се сети дека за оние кои ги влечеле „за уши“ треба водовод.
Најавениот водовод ќе се реализира со пари од кредит.
Само за споредба, мнозинството на ВМРО-ДПМНЕ во Град Скопје одлучи да отидат нови над 40 милиони евра за проектот Скопје 2014, од коишто над 6 милиони евра се директна донација од државниот Буџет.
Груевски не го интересираат проблемите на граѓаните. Го интересираат бизниси и пари, кражби и манипулации на избори“, се вели во соопштението на СДСМ.