СДСМ Скопје: Арсовска е измамник, скопјани веќе ја препознаа

Од:

Од градската организација на СДСМ Скопје преку соопштение велат дека независната кандидатка за градоначалничка на Скопје, поддржана од ВМРО ДПМНЕ, Данела Арсовска е измамничка.

„Данела Арсовска од ден во ден се повеќе се заплеткува во своите лаги. Скопјани лесно препознаа за каков измамник станува збор и затоа во недела ќе биде многу изненадена од изборниот резултат. Прво лажеше и се криеше дека не ја менаџирала салата „Расадник“ за денес конечно да признае под притисок на медиумите. Арсовска со тоа призна и дека како менаџер на семејната компанија оставила 54.000 евра долг за струја и објект во целосно руинирана состојба. Ова ли се менаџерските способности на Арсовска кои им ги сервира на скопјани?

Арсовска сè уште се крие и не признава за бугарското државјанство и упорно негира иако сите домашни и бугарски институции и медиуми тоа го потврдија. Зошто упорно го крие овој факт Арсовска? Јавноста бара одговори. Додека е легално како државјанка на Бугарија да биде кандидат за градоначалник, целосно е неморално и кукавички тоа да го крие од јавноста. Што е целта и кои се вистинските причини за таа да го крие своето бугарско државјанство?

Криењето на вистината е страв од сопствените граѓани, а сето тоа деновиве повторно го гледаме во режија на ВМРО ДПМНЕ и нивната кандидатка. Тоа е пред сè неодговорност кон граѓаните, но и опасно потсетува на време кое никој во Скопје не сака да се врати. Бегање од дебата, бегање од одговори, криење на информации се последното нешто што му треба на Скопје“, се наведува во соопштението на СДСМ Скопје.

Би можело да ве интересира

Герасимовски: Бесплатен оброк за сите ученици, родителите ќе заштедат 2.500 денари месечно

Ливриниќ: Жителите на Скопје Север со право се разочарани, со години наназад слушаат ветувања, а состојбата е непроменета

ВМРО-ДПМНЕ: СДС и човечност се два различни поими

Шукова: Во моментот 99 отсто од отпадот кој се собира во Скопје се депонира на Дрисла, тоа не се европски пракси

Каранфилова-Пановска: Време е за промена, Куманово заслужува повеќе со Мартин Костовски

(ВИДЕО) Мојсова Мијовска: Нема да бидам заложник на големите бизнис интереси и центри во општината, градот или земјата, особено не на штета на граѓаните на Карпош