Гордана Јанкуловска, исто како и Никола Груевски, залудно се надеваат дека ќе се промени ставот на СДСМ за некој да се спаси од кривично гонење за проектот Скопје 2014.
Ставот на СДСМ е кристално јасен и непроменет: Скопје 2014 година е проект на безумно трошење и неверојатна корупција.
Уште во 2011, во програмата го напишавме тоа и појаснивме: „Некои од објектите кои имаат функционална и општествена оправданост ќе ги доизградиме и пуштиме во употреба (објектот на Македонската филхармонија и Стариот театар)„. Ниту еден став на СДСМ не се променил, па дури ни со посета на јубилеј на една странска фирма.
Нашата задача како идна власт во оваа држава нема да биде да одлучуваме кој каде ќе прославува, туку кривично да ги гониме оние кои искрадоа речиси пола милијарда евра криејќи се зад Скопје 2014.
