„Штом ВМРО-ДПМНЕ се најде повикана да го брани Миле Јанакиески за продажба на државно земјиште во центарот на Скопје по само 100 евра за метар квадратен, скандалот со багателната продажба е многу сериозен.
Но, факт е дека во својата писмена реакција ВМРО-ДПМНЕ не демантираше ништо од она што беше посочено на прес конференцијата на СДСМ.
Впрочем, документите говорат се. Вистината е дека Миле Јанакиески продал земјиште во центарот на Скопје за 120 илјади евра. А реалната пазарна вредност на земјиштето може да се процени на 1 милион евра.
Ако е точно она што го тврди ВМРО-ДПМНЕ, дека била продадена само една парцела, тогаш скандалот оправдано отвора нови сомнежи.
Затоа што во Договорот за отуѓување на државното земјиште, потпишан лично од Миле Јанакиески, во член 2, јасно стои дека се отуѓени КП 13539/2, со површина од 1.151 метар квадратен, и КП 13818/2, Катастарска општина Центар 1, со површина од 94 метри квадартни.
Што друго кријат сомнителните продажби на државно земјиште по багателна цена во центарот на Скопје“, се вели во писмената реакција на СДСМ на соопштението на ВМРО-ДПМНЕ за пресот на Петре Шилегов.