„Eве што се случува кога во главниот град нема елементарни услови за живот. Утрото тука 50-тина патници се повредени! Човечки фактор, старо возило на ЈСП, услови на патот, временски неприлики.
Што и да покаже увидот, она што е факт е дека:
-Овде нема атмосферска канализација.
-Улицата не е рамна.
-Плива во вода при секој пороен дожд, каков што имаше утрото.
-Дека не е реализирано долгогодишното ветување за проширување и реконструкција на улицата Првомајска.
За жал, прашање на момент беше кога ќе се случи вакво нешто. Можеше да биде и на кој било дел од градот или државата.
Дали сега утеха на загрижените семејства за тоа што се случи со нивните најблиски, овде во Драчево, може да биде 18 милионското панорамско тркало?
За тркала има. Но нема за одводи. Нема за патна сигнализација. Нема за банкини.
Бројката загинати во државава за само за 6 месеци оваа година е дури 71 лице.
Бидејќи власта, деновиве со скапи реклами не учи да го почитуваме животот, ние граѓаните сега апелираме:
– Што уште треба да се случи за власта на ВМРО-ДПМНЕ да почне да го почитува животот на граѓаните“, праша Дарко Каевски, советник во Советот на општина Кисела Вода, СДСМ.