Нов ден, нови лаги. Јасно е зошто медиумите под контрола на Груевски ревносно ја исполнуваат партиската задача да прават конструкции. Прво затоа што доаѓа моментот кога ќе треба да се открие што договорил Никола Груевски во врска со спорот со Грција и името на држвата, се вели во писмена реакција на СДСМ на порталот Курир.
Се појавија информации за вртоглави суми на пари за престојот на Никола Груевски и групата околу него во Турција. Власта со денови молчи и јавноста нема никаков одговор на прашањата колку чини летувањето на Груевски и со чии пари е платен овој одмор?
Откако се појавија одредени информации се отвори и прашањето дали после објавените фотографии во Турција Никола Груевски го продолжил својот одмор во Монте Карло?
Таинственоста за летувањето и на останатите функционери и министри од ВМРО-ДПМНЕ, повлекува нови сомневања колку чини и кој го плаќа летувањето и на министрите на Груевски?
Потценувајќи го сопствениот народ власта мисли дека ќе може да избега од клучните прашања со конструкции и измислени текстови во медиумите под своја контрола.
Што се кријат Никола Груевски и ВМРО-ДПМНЕ, прашуваат од СДСМ?