Насилничкото и недемократско однесување кон народните избраници манифестирано на 24 декември од страна на власта на Никола Груевски, вечерва го продолжи и неговиот коалиционен партнер Стевчо Јакимовски, врз советниците од СДСМ, велат од партијата.
Советниците на СДСМ кои се спротиставија на милионското задолжување на граѓаните на општина Карпош, беа како што велат насилно влечени, туркани, навредувани и спречувани да зборуваат од говорница.
Денеска градоначалникот Стевчо Јакимовски, Ве задолжи Вас и вашите деца со нови 2.5 милиони евра. Она што се случуваше на седницата на Советот на општина Карпош, обидот да се скрие од јавноста вистината, дека општината се наоѓа пред финансиски колапс, доведе до тежок скандал кој не доликува на ваква урбана, градска и културна средина, се вели во соопштението на СДСМ.
