„Провладините медиуми не штедат на невистини, манипулации, спинувања, во обид да ја оцрнат опозицијата. Портпаролот на СДСМ Петре Шилегов вчера даде одговор на поставено прашање.
Ако некој не ја почитува, ја понижува, дискредитира, омаловажува новинарската професија, тоа се токму провладините медиуми, не покажувајќи ни најмала грижа за стрмоглавиот пад од дури 89 места на листите на меѓународните организации за медиумска слобода, на коишто РМ е рамо до рамо со Кенија, Конго и Уганда.
Медиумската контрола од страна на Никола Груевски и ВМРО-ДПМНЕ ја потврди и последниот Извештај на ОБСЕ/ОДИХР , во којшто е нотирано дека медиумите за време на изборниот процес, известувале пристрасно во корист на власта.
Провладините медиуми, никогаш не застанале на страната на новинарската професија, туку напротив, преку лаги, манипулации и спинувања, медиумот го користат единствено за заштита на партиските и личните интереси на ВМРО ДПМНЕ и нивните функционери“, се вели во реакцијата на СДСМ на пишувањата на провладините медиуми.
