„Несериозно и лицемерно е ВМРО-ДПМНЕ, партијата што ја турна Македонија беше на дното по медиумски слободи, денес неосновано да обвинува и да глуми загриженост за слободата на изразување
Времето кога власта се пресметуваше со неистомисленици, кога се апсеа и притвораа новинари, кога се вршеа упади и затворања на медиуми заврши со заминување на ВМРО-ДПМНЕ во опозиција.
Процесот на ослободување на институциите и општеството, започнат од Владата предводена од СДСМ обезбедува еднакви услови за сите, почитување на човековите права и ја гарантира слободата на изразување, а новинарите и медиумите слободно ја вршат својата работа, ослободени од било какви притисоци. Истовремено, создавањето на ефикасен, независен и професионален судски систем ја прави Македонија правна држава во која веќе нема нарачани и монтирани судски процеси, нешто што беше одлика на децениското криминално владеење на ВМРО-ДПМНЕ“, се вели во реакцијата на СДСМ на прес-конференцијата на Игор Божиновски од ВМРО-ДПМНЕ.