СДСМ прифаќа Чулев да биде технички министер за внатрешни работи

Од:

Предлогот на ВМРО-ДПМНЕ Наќе Чулев да биде технички министер во министерството за внатершни работи е прифатлив за СДСМ.

Според партијата, Чулев не е униформирано лице и против него нема покренато обвиненија, со што се исполнети уставните критериуми.

-Со овој предлог на ВМРО-ДПМНЕ, не се крши Уставот, не станува збор за воено или униформирано лице и не е под обвинение. Со тоа се исполнети условите предлогот да оди на гласање во Собранието заедно со целата преодна влада која треба да ги спроведе изборите на 12 април, соопшти СДСМ.

ВМРО-ДПМНЕ во предлогот за министер за внатрешни работи во техничката влада го опиша Чулев како долгогодишен професионалец во областа на безбедноста од Ангецијата за разузнавање. Од опозициската партија велат дека Чулев има искуство од областа на безбедносна политика, односно дека е дипломиран криминалист.

„Во неговата богата биографија стои дека поминал низ програмата за тероризам и безбедносни студии Џорџ Маршал, Европски центар за безбедносни студии од Германија и Лондон Велика Британија. Завршил обука и на Трансатланската академија (ТАСА) на Универзитетот Бон во Германија. Се усовршувал за трансформација на конфликти со мировни средства на Софискиот Универзитет во Бугарија. Бил дел и од школата за балканската мрежа за човекови права во Дубровник Хрватска. Учествувал и на безбедносниот форум за стратегиска комуникација и евроатланска интеграција што беше дел од НАТО колеџ за одбрана. Има завршено обуки и доусовршувања во Велика Британија, Германија, Бугарија и други европски држави. Наќе Чулев е долгогодишен професионалец и одличен познавач на безбедносните прашања и ново лице во политиката“, информираа од ВМРО-ДПМНЕ.

Чулев е вработен во Директоратот за разузнавање при Агенцијата за разузнавање, а истворемено е предавач на Дипломатската академија на МНР.

„Во периодот од 2013-та до 2017-та година бил директор на Агенцијата за разузнавање. Од 2017-та до 2019-та генерален помошник на директорот на Агенцијата за разузнавање. Воедно во 2017-та година бил и предавач на Академијата за судии и јавни обвинители. Работел и како советник во Агенцијата“, информираа од ВМРО-ДПМНЕ.

Би можело да ве интересира

Царовска на средба со жителите на Драчево: Гласајте за „Можеме”, нудиме перспектива за идните генерации

А1он

Димитров од Јегуновце: Нашата Македонија решила да оди напред, шансата е пред нас и треба да се завери на 15 јули

А1он

Спасовски, Филипче и Костовски во Куманово: ВМРО-ДПМНЕ ги очекуваат судски пресуди и нема да дозволиме да го вратат режмот

А1он

Шекеринска: Десет дена пред нападот во Собранието ја држев во скут ќерката на Дурловски

А1он

Шекеринска: Хераклеа ни праќа историска лекција, немој да дозволиш грешка, немој да пропуштиш шанса

А1он

Спасовски: Сите на пратеничката листа на ВМРО-ДПМНЕ ги очекуваат судски пресуди, затоа сакаат обнова на режимот

А1он