СДСМ предлага отворање медицински факултет во Битола, ВМРО-ДПМНЕ смета дека нема услови

Од:

Пратениците попладнево го разгледаа Предлог-законот за основање медицински факултет во состав на Универзитетот „Свети Климент Охридски“ – Битола, во прво читање. Гласањето по овој Предлог, како што рече потпретседателот на Собранието Горан Мисовски, ќе биде дополнително закажано.

Основање медицински факултет во Битола предлагаат четворица пратеници од СДСМ, Ненад Коциќ, Миле Талевски, Бети Рабаџиевска Наумовска и Жаклина Лазаревска. Како што образложи Коциќ, има потреба од ваква високо-образовна установа, посебно во овој дел од земјава, најмногу заради задржување на кадарот, но и за негово напредување и усовршување.

ВМРО-ДПМНЕ во ваквиот Предлог препозна предизборно ветување. Оцени дека воопшто нема услови за отворање медицински факултет во рамки на Битолскиот универзитет, како и дека ваков закон треба да дојде од Министерството за образование, а не од група пратеници.

Расправата се сведе на меѓусебни препукувања – кој повеќе придонел за уништување на образовниот систе во државата, а во дел од дисксусијата беше спомната и ситуацијата со пасошите.

-Согласно Предлог-законот, медициснкиот факултет ќе врши високообразовна дејност: додипломски и постдипломски студии, специјализации и субспецијализации, докторски студии, како и научно-истражувачка и применувачка дејност од научните полиња на медицината. Ќе има отсеци: општа медицина, стоматологија, фармација и висока медицинска школа, а наставни бази на факултетот ќе бидат Клиничката болница Битола, Специјалната болница за кардиолошки заболувања „Свети Стефан“ Охрид, Специјална болница за ортопедија и трауматологија „Свети Еразмо“ Охрид и Специјална болница за нефрологија Струга, рече Коциќ.

Според него, покрај трите постоечки медицински факултети, во Скопје, Штип и Тетово, и овој факултет во Битола ќе придонесе за лојална конкуренција и позитивен ефект во однос на стручноста и создавањето професионален кадар. Бенефит ќе има, додаде Коциќ, и од економски аспект.

Законот предвидува медицинскиот факултет да почне со работа од академската 2024/2025година.

-Како утврдивте дека е потребен уште еден медицински факултет? Иселувањето на лекарите не е причина за отворање уште една ваква високо-образовна установа. Нема логика тоа што го зборувате. Во моментов нема никакви услови за отворање медицински факултет во Битола. Презентирајте ја јавно анализата, како сте дошле до таков заклучок. Клиничката болница каде што планирате студентите да ја вршат праксата, се распаѓа, нема лекари. За нов факултет треба прво да се создадат услови. Ова е само ветување пред избори, а реалноста е дека ова во пракса не може да функционира. Не треба да се избрзува со отворање установа која нема да функционира, му рече Ане Лашкоска од ВМРО-ДПМНЕ на Коциќ.

Коциќ и порача дека тој што сака, може да ги добие документите врз основа на кои е утврдено дека треба и може да се отвори медицински факултет во Битола.

За збор се јави и Бети Стаменкоска Трајкоска од ВМРО – ДПМНЕ.

-Предизборно сакате да се изземете од одговорност за она што сте го ветувале, а не сте го направиле, оцени пратеничката.

На тоа Коциќ возврати дека „ова е првиот чекор за почеток на постапката за отворање медицински факултет“, а потреба од ваква установа, повтори, има.

Собранието претходно, во рамки на 140. седница, ја заврши општата расправа по Предлог-законот за вино и констатира дека е прифатлив, како и дека може да се даде на натамошно, второ читање.

Би можело да ве интересира

Левица: Само шесте пратеници на Левица гласаа против Африм Гаши, ДПМНЕ денес капитулира

Предраг Петровиќ

Собранието ги верификуваше мандатите на 118 пратеници

Африм Гаши предложен за претседател на Собранието со 75 потписи од пратеници на ВМРО-ДПМНЕ, „Вреди“ и ЗНАМ

Катерина Ѓуровски

Апасиев: Левица нема да поддржи Албанец да биде претседател на Собранието

Мицкоски: Апасиев имаше бланко понуда да се придружи кон македонското национално единство, тој одлучи повеќе да се посвети на правењето планови за одмор

Катерина Ѓуровски

Димитриевски: Ќе го поддржиме Гаши за претседател на Собранието

Катерина Ѓуровски