СДСМ: Пратеничката група на ВМРО-ДПМНЕ нема кредибилитет додека Вељаноски, Милошоски и Димовски не поднесат оставки

Од:

„СДСМ покажа дека се менува за напредокот на земјата да продолжи уште позасилено. ВМРО-ДПМНЕ покажува дека кај нив ништо не се менува, напротив, остануваат заглавени во матрицата на Никола Груевски, на одбрана на криминал, деструкција и антидржавно однесување.

Оставката на Павле Богоевски од функцијата пратеник од морални причини е пример за висок морален чин и силно чувство на лична одговорност пред граѓаните.

Од друга страна, кај пратениците од редовите на ВМРО-ДПМНЕ, против кои се водат судски процеси за тешки кривични дела, нема ниту приближно чувство на морална одговорност.

Напротив, наместо одговорност тие го бранат криминалот, наместо морално однесување, тие пропагираат деструктивно однесување спротивно на интересите на граѓаните.

Пратениците од ВМРО-ДПМНЕ, Трајко Вељаноски, Антонио Милошоски и Илија Димовски против кои се водат судски процеси и истраги за тешки кривични дела не треба да чекаат ниту ден повеќе, туку веднаш да си поднесат оставки од своите функции.

Тоа е најмалку што може да го направат за да се избегне каква било можност да ги попречуваат или влијаат врз судските процеси и истрагите против нив.

Пратениците на ВМРО-ДПМНЕ немаат минимум кредибилитет се додека во нивните редови седат пратеници против кои се водат истраги и процеси за сериозни дела“, се вели во соопштението на СДСМ.

Би можело да ве интересира

Мицкоски на средба со лозарите од Неготино

Ана Ололовска

(ВИДЕО) Трипуновски: Лозарите имаат реален проблем и тој е креиран од оваа власт

Ана Ололовска

(ВИДЕО) Битиќи: Со ребалансот повеќе пари за фирмите, дополнителни 3,3 милиони евра назад кај компаниите

Ана Ололовска

(ВИДЕО) Стоилковски: Ден Дончев јасно не демантираше дали го знае и дали контактирал со Зоран Милески Кичеец?

Ана Ололовска

(ВИДЕО) Ѓорѓиевски: Партискиот октопод на Спасовски во МВР доби уште еден крак, функционерот на СДСМ од Бутел Ѓорѓи Котевски

Ана Ололовска

ВМРО-ДПМНЕ: Русковска и Јовевски се оние кои го амнестираат криминалот на власта

Ана Ололовска