„Власта на Никола Груевски не само што нема срам, туку нема ни совест.
Не само што го најавија најновото покачување, на патарините, во момент кога Македонија жали по трагично загинатите пилоти.
Не само што не чувствуваат одговорност да го објаснат пред граѓаните бранот поскапувања на струјата, бензините, патарините и последиците што ќе повлечат редица други покачувања.
На Никола Груевски, и по 8 години од неговото владеење, сеуште му се виновни други.
Груевски треба да одговори дали кога најави отпишување долгови на социјални категории граѓани, во план ги имаше ненајавените ценовни шокови?
И дали свесно создаваат нова категорија осиромашени граѓани, чија егзистенција ќе зависи од милоста на државата што ја раководи тесната група на власт?
Политиките на власта на Никола Груевски во сите сфери на општественото живеење се штетни за граѓаните и токму тие политики не и носат добро на Република Македонија“, се вели во соопштението на СДСМ.