„Ова е очекуван исход од соработката со ПЕИ, со оглед на нивните постапки и политики во пресрет на локалните избори“, реагираше СДСМ во врска со одлуката на ПЕИ да излезе од „Сојузот за иднината“.
„За ваквата нивна одлука бевме официјално информирани во текот на вчерашниот ден. Во врска со денешното соопштение на ПЕИ сметаме дека излегувањето од здружената опозиција е погрешна одлука која не оди во насока на подобрување на состојбите во државата, туку остава дополнителен маневарски простор за актуелната власт. Како и да е, на нашиот поранешен коалициски партнер му посакуваме успех во понатамошното политичко делување“, порача најголемата опозициска партија.