„Укажуваме дека директорот и надлежните во охридската гимназија „Свети Климент Охридски“ имаат должност да ги заштитат учениците од партиски злоупотреби. Недозволиво е ученици преку истакнати летоци да се повикуваат да напуштаат настава за да бидат дел од протести на кои се поттикнува и шири етничка и национална омраза. Во прилог е летокот кој е објавен и се дели мегу учениците од втората смена.
Никој нема право да ги манипулира и злоупотребува учениците за остварување партиски цели.
Учениците, но и нивните родители имаат право да се чувствуваат безбедни, без какви било притисоци за време на училишниот ден.
Злоупотребата на деца и ученици, за лични и партиски цели е кривично и дело и секој кој ќе стори ваков прекршок ќе мора да одговара.
Очајните обиди на ВМРО-ДПМНЕ да спречат мирен трансфер на власта за да го спасат од одговорност Никола Груевски, со користење деца, како и лаги и фалсификати како летоците во прилог нема да успеат. Мнозинството граѓани избраа промени и нова реформска Влада и тоа ќе се случи.
Училиштата ќе бидат места каде што децата ќе бидат воспитувани и образувани во духот на заедништвото, еднаквоста и демократските вредности. Ќе има живот за сите граѓани во Македонија“, се вели во соопштението на СДСМ Охрид.