„Ниту една најава на Груевски после 10 годишното расипничко владеење, не може да ги покрие последните хорор фотографии од покиснатите ходници и простории во студентскиот дом Гоце Делчев.
И вчера, и денеска, и утре повторно, студентите ќе се разбудат во влага и мувла, во нехумани животни услови.
Овој човек, Груевски, во април 2013, па во март 2014 ветуваше целосна реконструкција на Гоце Делчев, како и на студентскиот дом Медицинар.
Од 2006 до овој момент нема ништо од најавените реконструкции!
Зошто би верувале на вчерашната изјава на Груевски, а и нели е малку доцна за најави?
Премиерот во заминување нема повеќе што да ветува за младите и студентите. Единствен негов “успех” е што исели од државата над 400.000 граѓани, а 75 проценти од младите се гледаат надвор од Македонија.
Пратеничката група на СДСМ и опозицијата има поднесено амандман на Предлог Буџетот за изградба на целосно нов студентски центар, во близина на студентскиот дом Гоце Делчев. Но вистински промени како за сите, така и за младите се можни кога оваа власт ќе замине“, се вели во реакцијата на СДСМ.