„Александар Николоски, член на антизападното раководство на ВМРО-ДПМНЕ на граѓаните треба да им објасни за причините за неговата средба со Синиша Алексовски, советник за безбедност во Кабинетот на Ѓорге Иванов.
Алексовски во одредени медиуми се споменува секогаш кога станува збор за странско влијание во земјава, коешто се противи на НАТО и ЕУ интеграциите на Македонија.
Дали Николоски кој пред неколку дена рече дека не е можен подобар Договор со Грција е принудуван јавно да се откаже од овој негов став?
Јавноста ги очекува одговорите од Николоски и поради информациите за вмешаност на Алексовски и со настаните во Собранието од 27 април“, се вели во соопштението на СДСМ.
