Сигурно и вас ве интересира, каде се сега пред нас граѓаните, Никола Груевски и Зоран Ставрески, да објаснат како одеднаш, Субрата Рој, од омилен, излезе наводен инвеститор?
Зошто и покрај бројните предупредувања во земјава и од странство, додека цел свет пишуваше за криминалите на нивниот омилен бизнис партнер, тие двајцата, Груевски и Ставрески, му дадоа на индиецот непроценлива плодна земја од над 5.000 хектари, за по 120 денари од декар и километарски плажи и дури и води во Охридското езеро, заштитено од УНЕСКО?
Да мислеа Груевски и Ставрески на граѓаните немаше да ги направат огромните штети врз земјоделците и државата, туку ќе го прекинеа договорот со наводниот мултимилијардер кој е поврзан со милијарди, но долгови во милијарди кон излажани свои сограѓани во Индија, поради што тамошниот Врховен суд му го замрзна целиот имот.
Недоличниот речник е огледало на нервозата на Никола Груевски.
Знае Груевски дека од одговорноста не може да се скрие. Ќе излезат и штетите и позадината на случајот Субрата Рој, се вели во писмената реакција на СДСМ на реакцијата на ВМРО-ДПМНЕ за прес конференцијата на Петре Шилегов.
