СДСМ: Не може да има шест милијарди евра Буџет, а да нема пари за поголеми плати на работниците

Од:

Покрај тоа што власта има рекорден Буџет од 6 милијарди евра за оваа година, вели дека нема пари за зголемување на платите на работниците. Уште кога беше во фаза на предлог Буџетот за 2025 година, СДСМ предупреди дека ова ќе биде најгломазниот и најраспинички буџет во историјата во кој ќе нема пари за работниците и поголеми плати за граѓаните, вели портпаролката на СДСМ Богданка Кузеска.

– Дополнително, власта товари нови долгови на грбот на граѓаните и граба пари за себе воопшто не водејќи сметка за потребите на граѓаните и на работниците. Покрај задолжувањето од 500 милиони евра од Унгарија, власта во изминатите 3 месеци се задолжи со 128 милиони евра преку државни записи и обврзници, и 73,7 милиони евра кај домашните кредитори. Тоа се нови, над 200 милиони евра долгови врз грбот на граѓаните кои ќе ги плаќаат идните генерации.А платите стагнираат, животниот стандард и куповната моќ на народот опаѓа. Последните податоци од Државниот завод за статистика покажуваат зголемени трошоци за живот за 4,4% и зголемени цените на основните производи за 4,3%. Не може власта да има 6 милијарди евра Буџет, да се задолжува со нови 200 милиони евра а да нема пари за поголеми плати за работниците, рече Кузеска.

Би можело да ве интересира

Шукова: Економијата е во слободен пад, СДСМ нуди излез со седум економски мерки

Ако Рускоска обвинителството и Кацарска и Трпков судството беа поим за политизрана правда, тогаш Коцевски е нивниот сиамски близнак, вели ВМРО-ДПМНЕ

Катерина Ѓуровски

СДСМ: За само осум месеци, граѓаните се доведени до раб на финансиска издржливост

Петрушевски: Љупчо Коцевски премолче за сите криминали на СДС

СДСМ: Мицкоски подлегна на заканите од трговците и повторно ги излажа граѓаните

Битиќи: Странските инвеститори си заминуваат, Владата со хартија гаси пожар