Според првичните резултати на СДСМ, нивните кандидатите имаат извесна победа во општините Бутел, Градско, Карбинци, Кисела Вода, Македонски Брод, Могила, Новаци, Старо Нагоричане, Чашка и Штип, информираше Ивана Туфегиќ.
– Граѓаните гласаа фер и демократски и ги заокружија промените низ цела Македонија, истакна Туфегиќ.
Таа рече дека и во вториот круг од локалните избори граѓаните ја дале довербата за концептот што го промовирала коалицијата предводена од СДСМ формирана за предвремените парламентарни избори, која продолжи и на овие локални избори.