Денеска, Министерството за земјоделство потврди дека лица блиски до владејачката партија се вмешани во нелегално производство на тутун на црно.
Истото се случи и вчера. Требаше СДСМ да го објави скандалот па Министерството за земјоделство да признае дека во Македонија нелегално се произведува тутун, велат од партијата.
Но, власта, според нив, очигледно многу работи сака да премолчи или да ги сокрие од јавноста.
Зошто цели 5 години Државниот инспекторат и министерството за земјоделство молчеле дека нелегално се произведува тутун на црно? Дали на овој начин некој бил заштитен?
Нема одговор ниту на клучното, кој профитира и каде завршува произведениот тутун? Дали од него се прават цигари на црно и каде?
По денешното признание на Министерството за земјоделство јавноста очекува одговор кои други лица, блиски до власта, се вмешани во овој скандал и на каков начин?