Пратениците на ВМРО-ДПМНЕ денеска гордо се пофалија со донесениот Закон за минимална плата која изнесува 8.800 денари која треба да достигне 10.080 денари дури за неколку години, се вели во писмената реакција на СДСМ на прес конференцијата на ВМРО – ДПМНЕ.
Минимална плата од 8.800 денари е неуспех на актуелната власт.
ВМРО-ДПМНЕ сега нека им одговори на граѓаните како да преживеат со 8.800 денари кога потрошувачката кошничка за просечно четири члено семејство е над 30.000 денари.
Власта на Никола Груевски ги донесе граѓаните на Република Македонија на работ на сиромаштијата.
Со многу повисоки цени на струја, вода, храна, греење и други јавни давачки, минималната плата не е доволна ниту за основните животни потреби на граѓаните.