„Медиумите под палката на Никола Груевски и ВМРО-ДПМНЕ продолжуваат да шират невистини и да ја бранат фамилијата од криминалот за последните 10 години.
Секојдневната пропаганда од ден на ден се повеќе се зголемува и режимските медиуми се натпреваруваат кој повеќе ќе одработи за ВМРО-ДПМНЕ.
Полека, но сигурно, приматот на прв медиумски пропагандист го зема ТВ Нова на Сеад Кочан.
За само три дена, според мониторнг по идентична методологија утврдена од ОБСЕ/ОДИХР ТВ Нова емитувала 1.545 секунди позитивни прилози за ВМРО – ДПМНЕ. Позитивни прилози за СДСМ нема. Но затоа ТВ Нова емитувала дури 1.014 секунди негативни прилози за СДСМ.
За ВМРО – ДПМНЕ нема ниту една секунда негативен, ниту неутрален прилог.
Инаку, Сеад Кочан е сопственик и на „Трансмет“ и на ТВ „Нова“ и само во една година, само преку Министерството за земјоделство шумарство и водостопанство, добил тендери тешки близу 5 милиони евра, пари на граѓаните.
Ова покажува зошто Тв Нова одработува за ВМРО-ДПМНЕ и и ги брани криминалните активности на фамилијата.
Овие податоци се уште една потврда зошто е потребна слобода на медиумите и зошто е неопходна регулација на медиумскиот простор во интерес на граѓаните.
Во Македонија мора да има и ќе има, слободни, фер и демократски избори. Избори со прочистен избирачки список и реформи за слободни медиуми“, се вели во соопштението на СДСМ.