Михаел Младеновски одамна е прочитан. Затоа, нема потреба да прави театар околу седиштето на СДСМ, порачаа од СДСМ.
Поранешниот член на Социјалдемократската младина, Михаил Младеновски, кој беше исклучен од партијата изјави дека тој и неколку негови истомисленици поради политиките на СДСМ, си заминале и почнале да функционираат самостојно.
„Поради ваквите политики на СДСМ, токму затоа се одделивме од таму и функционираме самостојно. Ние не сме членови на други политички партии, бидејќи не знаеме кој ни е статусот во СДСМ. Имаме соработка со СДУ за локалните избори“, рече Младеновски.
„Редно е сите свои идеи да почне да ги доставува до неговата нова матична партија, до жолтата куќа на ВМРО-ДПМНЕ“, се вели во реакцијата на СДСМ на изјавата на Михаел Младеновски.