„Власта на Никола Груевски и градоначалникот на Скопје, Коце Трајановски продолжуваат да ја газат изразената волја на граѓаните на Центар кои јасно се спротивставуваат на проектот Скопје 2014.
Логиката, да се трошат народни пари за поставување нова фонтана на плоштадот Македонија, веднаш до веќе постоечката фонтана на Воинот на коњ, е разбирлива само од аспект на тендерските бизниси на Груевски и Трајановски.
Напразно потрошените средства, за фонтана до фонтана, власта и градоначалникот на Скопје можеа да ги искористат за енергетски ефикасни фасади, на што веќе работи општината Центар. На овој начин практично ќе се потврдеше определбата Скопје да биде енергетски ефикасен град. За жал, главниот град е далеку од тоа.
Денешното потпишување Меморандум за разбирање за зајакнување на Мрежата на енергетски ефикасни градови од страна на Град Скопје е врв на лицемерието на Коце Трајановски“, се вели во писменото соопштение на СДСМ.
