Лагите на Василевска се целосно разобличени, Мицкоски останува главен извор за лажни вести, реагираат од СДСМ на прес-конфенецијата на Иванка Василевска од ВМРО-ДПМНЕ.
„Христијан Мицкоски и Иванка Василевска мора да се извинат до целата јавност за лагите што бесрамно ги шират со денови.
Лагата на ВМРО-ДПМНЕ за јавната набавка во М-Нав е целосно разобличена.
Откако се потврди дека јавната набавка за М-Нав е реализирана за време на владеењето на ВМРО-ДПМНЕ, од страна на таткото на министерот од ВМРО-ДПМНЕ, Никола Попоски, ВМРО-ДПМНЕ и Мицкоски треба да се извинат за изнесените невистини.
Ништо не се менува во ВМРО-ДПМНЕ. Белиот дворец останува симбол на лагите и деструкција, Мицкоски останува главен извор на лажни информации и невистини.“, се наведува во реакцијата на партијата.