Сè уште немаме документи. Сè уште немаме анализи. Сè уште немаме потпис и печат. Кој ги правел анализите на водата во Гостивар? Кои се резултатите? Кој потпишал и кој гарантира дека водата е технички чиста и безбедна за капење? Не можеме да веруваме само на изјава на Мицкоски. Знаеме колку лаже, нагласуваат од СДСМ.
– Не можеме да веруваме ни на министерот за полиција кој се занимава со водоснабдување и хиперхлорирање наместо со криминал и корупција. Бараме јасно: Кој стои зад одлуката со свој потпис и печат? Која институција им гарантира на граѓаните чиста техничка вода?
Денес бараме одговор. Затоа што еднаш веќе ги криеја резултатите. И тоа доведе до над 4.000 заразени и појава на епидемија на жолтица во Гостивар. Во име на граѓаните на Македонија и на Гостивар, бараме денес одговор, велат од партијата.