Наместо да се извини и даде оставка за навредите и дискриминацијата, министерката Гордана Кочоска продолжува со својот арогантен однос, со нови навреди. Дури Кочоска денеска упатува и заканувачки пораки демек времето ќе покажело. Покажа времето, Кочовска сите ја слушнаа како навредува и дискриминира жени. Се лаже Кочоска ако мисли на времето за да се заборави нејзината ароганција, нејзините навредливи и дискриминаторски изјави кон жена, велат од СДСМ.
„Две недели зборува на дрзок и манипулативен начин. Кочоска го понижи целиот женски род и тоа ќе остане запаметено. Покажа целосно непочитување кон жените кои немаат или не можат да имаат деца, кон граѓаните кои секојдневно се борат со зголемените трошоци, и кон јавноста која очекува барем малку одговорност од еден министер. Жално е што токму во овој месец кога се одбележува Меѓународниот ден на жената, нема никакво чувство за почит кон жените, нема доблест да признае грешка, да се извини и даде оставка, велат од партијата.