СДСМ ги соопшти своите принципи уште пред неколку месеци и во оној момент кога ќе постои спремност за разговари за тие тези, што е принципиелно, ќе може да започнат разговорите и преговорите за решавање на политичката криза, изјави денеска портпаролот на партијата Петре Шилегов.
Одговарајќи на новинарско прашање за решавањето на политичката криза по вчерашното обраќање на премиерот, Шилегов рече дека доколку тој навистина се согласи на тие принципи тогаш и само тогаш ќе можат да разговараат. Повторно посочи на нивниот став техничка влада да ги спроведе изборите.
Апсењето на функционер на СДСМ во Куманово, рече дека нема да го коментира бидејќи нема никакви сознанија, но вели, ако некој се огрешил од Законот, тоа се негови лични работи и не станува збор за политика на СДСМ.