СДСМ објави и снимка за како што рекоа разговор што излегува од темата изборни криминални нерегуларности во Струмица.
Овој разговор го заслужува вниманието на целокупната јавност бидејќи е уште една голема потврда за контролата на Груевски и неговите соработници врз првите луѓе во правосудството во Република Македонија.
Тоа е разговор од 2011 година помеѓу министерот Миле Јанакиески и тогашниот претседател на Врховниот суд на Македонија, Јово Вангеловски!
Разговорот се однесува на случајот Глобал. Недозволиво, претседателот на Врховниот суд се слуша со човекот кој по својата функција е една од странките во случајот Глобал. Ете толку е “независно“ правосудството во Македонија.
Ете ваквото „независно“ правосудство го креираше случајот Глобал. Сега е јасно и колку имало, односно НЕМАЛО случај Глобал, дека случај креирала власта на Груевски, истата таа влас којашто до ден денеска преку медиумите под нивна контрола манипулира со аболицијата на Зоран Заев. Вакво нешто, да се договараат, претседател на највисоката судска инстанца, задолжена да го штити правото на граѓаните, Врховниот суд и министер во Влада е незамисливо и за тоталитарните земји во светот, рекоа од СДСМ.