СДСМ до Владата и до Министерството за култура на Република Македонија поднесе иницијатива со предлог мерки за зачувување и унапредување на македонскиот литературен јазик – „Македонскиот јазик е нашата татковина“.
„Сметаме дека непотребно се омаловажува македонскиот јазик, дека недоволно се работи на неговата промоција и дека е непресметано затварањето на лекторатите кои Македонија ги имаше во повеќе држави. Трите групи на мерки кои ги предлага СДСМ, а за кои јавноста е информирана, се однесуваат на – негување на литературниот македонски јазик во татковината; – унапредување и почитување на македонскиот јазик во светот и меѓу нашите иселеници и македонското малцинство во соседните земји, како и на квантитативна и квалитативна продукција во издаваштвото“, изјави Гордан Георгиев, потпретседател на СДСМ.
Ако Владата застане против мерките, таа не застанува против опозицијата, таа им застанува на патот на граѓаните при остварување на правото да го зачуваат својот идентитет и јазик, рече Георгиев