Истрагата мора да ги лоцира сите вмешани во случајот од прв до последен, вклучително и тајкуните од режимот, велат од СДСМ преку соопштение.
„Тајкуните што ги создаде режимот, помогнати од Христијан Мицкоски и ВМРО-ДПМНЕ, прават се да ја срушат правната држава, да ја загрозат евро-интеграцијата на земјата, да не се донесе закон за ЈО, да се претстават како жртви и да се спасат. Лицата кои се на снимките се директно поврзани со ВМРО-ДПМНЕ, како и лицата кои ги објавуваат материјалите. Тоа се шемите на Никола Груевски. Секој што се надевал дека со објава на видео материјали ќе се компромитираат доказите за да не бидат предмет во судска постапака и ќе се спаси од вина се излажал“, велат од СДСМ.
Социјалдемократскиот сојуз додава дека снимката е причина плус да се забрза истрагата и да ги даде одговорите за поттикнувачите, организаторите и осмислувачите во овој случај.
„Истргата мора да ги лоцира сите вмешани во случајот од прв до последен. Институциите брзо да делуваат за целосно расчистување до крај, за сите кои се инволвирани во овој случај да понесат одговорност. Но, тоа значи одговорност и за тајкуните на режимот за кои се отворени предмети во СЈО и кои се појавуваат на овие снимки“, се наведува во соопштението на партијата.
