ВМРО-ДПМНЕ и СДСМ меѓусебно се обвнуваат за кризата со пожарите што летово ја зафати Македонија. Според опозициската партија, владата на Мицкоски не е способна да се справи со пожарите, додека ВМРО-ДПМНЕ тврди дека поради СДСМ која за време на владеењето не набавила ниту едно возило за гасење пожари земјата се наоѓа во ваква ситуација.
– Меѓу граѓаните владее огромно разочарување од политиките на ВМРО-ДПМНЕ во првите недели, а оние кои гласаа за Мицкоски и неговите шарени лаги се во шок. ВМРО-ДПМНЕ има изгубено околу 100.000 гласови од изборите до денес и ова Мицкоски добро го знае, па се обидува да претстави поинаква слика. Денес Македонија е изгорена земја која изгуби 2% од територијата заради неспособноста на Мицкоски да се справи со пожарите. Под раководствона ВМРО-ДПМНЕ државата нема стратешки правец, со зацементирани и изгубени шанси за евроинтеграции, но и без јасна алтеренатива, велат од СДСМ.
Македонија изгоре затоа што СДС ја оставија без опрема за гасење пожари и без луѓе, одговараат од ВМРО-ДПМНЕ.
– СДС седум години не набави ниту едно возило за гасење на пожар. Владата на ВМРО-ДПМНЕ затекна целосно девастирани институции. Авионите за гасење на пожар не беа оперативни, немаше пилоти. ВМРО-ДПМНЕ во најкраток можен рок ги оспособи авионите за гасење на пожари, ја зајакна меѓуинституционалната соработка и се справи со пожарите.СДС наместо да се извинат за ограбената држава, тие се радуваат мислејќи дека ќе спечалат политички поени, се вели во реакцијата од ВМРО-ДПМНЕ.
