Крајно лошата состојба на патиштата во Македонија е потврдена од Европската унија и Светска банка. Од лидер, Македонија денеска е на последно место во регионот според патна инфраструктура, велат од СДСМ.
„Светска Банка ја рангира Македонија на 78 место од 100 земји во светот во однос на патната инфраструктура, позади Азербејџан, Виетнам, Гватемала. Според оценката на Европската унија, после 10 години власт на Никола Груевски, само 2% од патиштата во Македонија се безбедни и добри, а дури 39% се небезбедни и лоши. ВМРО-ДПМНЕ за 10 години пушти во употреба само 7 километри автопат! Тоа се фактите.
Како што е факт дека единствено владата на ВМРО-ДПМНЕ и поранешниот премиер Никола Груевски е позната по криминално потрошените 630 милиони евра за споменици и провизиите од 5% за џебовите на фамилијата од вкупната цена за автопат. За тоа Никола Груевски и неговата банда ќе одговара и пред граѓаните и пред законите“, стои во соопштението на СДСМ.