СДСМ денеска повторно ги повика Никола Груевски и ВМРО-ДПМНЕ, како што велат, да ја прифатат реалноста дека се опозиција и да овозможат мирен трансфер на власта.
– Вознемирувањата на деца, ученици, на граѓани со лаги за да излегуваат на протести, поттикнувањата поделби, насилства, омраза меѓу граѓаните, има за цел само заштита на криминално стекнатото богатство и обид за бегство од одговорност на раководството на ВМРО-ДПМНЕ.
Целата домашна и меѓународна јавност знае и гледа дека постои само еден документ – Програма на новата реформска Влада, којашто гарантира унитарна и суверена Република Македонија и обезбедува конкретни мерки за сите клучни потреби на граѓаните, стои во реакцијата на СДСМ на денешното соопштение на ВМРО-ДПМНЕ.
Според СДСМ, институциите на системот мора веднаш да се формираат и државата да профункционира според мнозинска волја и потребите на граѓаните.
