После хаосот што власта на Никола Груевски го создаде во образованието, по серијата лоши вести и критики за сотојбата во која го доведе, ВМРО-ДПМНЕ нема со што да се пофали во така наречниот отчет, се вели во писмената реакција на СДСМ.
Сигурно поради успешните политики на Никола Груевски и неговите министри, само за 5 години од нивното владеење бројот на ученици во основното образование е намален за 27.000, а бројот на средношколци е намален за 5.000.
Веројатно од „успесите“ на власта на Никола Груевски, за кои зборуваше Спиро Ристовски Владата се соочи со огромното незадоволство во образованието. Затоа ВМРО-ДПМНЕ не кажа ниту збор за штрајкот на просветните работници од кој толку многу се уплаши.
Заменик министерот за образование, од ВМРО-ДПМНЕ, изостави да ги спомене достигнувања на владата во екстерното тестирање, каде официјално се казнети 1.321 наставници во основното и 646 наставници во средното образование, со намалени плати за 12 месеци.
Севкупно, оценка за овој отчет на Спиро Ристовски е: НЕДОВОЛЕН, ЕДЕН, велат од СДСМ.