Кандидатката на Христијан Мицкоски и ВМРО-ДПМНЕ Гордана Сиљановска е типичен пример за транзициски профитер и симбол на непотизам и тој факт ВМРО-ДПМНЕ не може да го прикрие со ниту едно празно обвинување, реагира СДСМ на на прес конференцијата на Наум Стоилковски од ВМРО – ДПМНЕ.
“Нејзиниот сопруг добил бизнис со фришоп додека таа била министерка во првата влада во 90тите што ВМРО-ДПМНЕ ја нарекува „транзициска“. Тој класичен чин на непотизам, судир на интереси и злоупотреба на функцијата, и во тоа време наидува на жестока критика токму од пратениците на ВМРО-ДПМНЕ.
Граѓаните го препознаа лицемерието, ја препознаа нечесноста и неискреноста на Сиљановска и затоа таа и ВМРО-ДПМНЕ загубија во првиот круг од претседателските избори и ќе загубат уште помасовно во вториот круг.
На 5 мај граѓаните нема да дозволат нечесни и неискрени личности, симбол за непотизам и злоупотреби, залутани во политиката да застанат на чело на државата.
Граѓаните нема да дозволат транзициони профитери како Сиљановска да застанат на чело на државата.
На 5 мај граѓаните ќе одберат напредок, сигурна иднина, ќе го изберат Стево Пендаровски за претседател на државата.”, се вели во соопштението на СДСМ.