Градоначалникот на општина Шуто Оризари и Претседателот на Советот на Општина Шуто Оризари на денешната седница на советот на шверцески начин во очи на големиот муслимански празник Рамазан Бајрам сакаат да ја задолжат Општината со 8.000.000 денари за наводен проект Доградба на Општински ресурсен центар рече на прес конференција Ферат Асан, претседателот на општинската организација на СДСМ Шуто Оризари
– Јавно ги прашуваме двајцата дали водат Општина или невладина организација, за која намена ја задолжуваат Општината за народот или “ИРИЗ” и “РОАМАНО ЧАЧИПЕ”. Ги повикуваме советниците да се запрашат за чии интереси се задолжува општината од близу 135.000 Евра, за капитален проект или лични интереси на “ИРИЗ” и “РОАМАНО ЧАЧИПЕ” зад кои стојат градоначалникот Курто Дудуш и претседателот на Советот Сеад Исмаил. СДСМ преку својата советничка група ќе се спротивстави и ќе преземе се за оваа одлука која е на штета на граѓаните да не се донесе. Оваа дивоградба, овој објект покрај тоа што е дивоградба, се гради на државно земјиште, истовремено и се краде и струја вели Асан.