Сѐ поголем е стравот на ВМРО-ДПМНЕ од Димитар Ковачевски и Миле Зечевиќ, откако Христијан Мицкоски доживеа катастрофален пораз на првото изборно соочување во Маврово и Ростуше и Центар Жупа велат од СДСМ во реакцијата на соопштението од ВМРО-ДПМНЕ во кое партијата обвини дека кариерите на Ковачвски и на Зечевиќ ја држат земјата во заложништво.
– Поттикнати од страв, од преполни сали низ државата од кои ечеше поддршка за европска иднина, Мицкоски и ВМРО-ДПМНЕ продолжуваат со лаги и манипулации, знаејќи дека на парламентарните избори во 2024, со тандемот Ковачевски Зечевиќ ги чека уште еден изборен дебакл. Со ниту една лага, деструкција и манипулација ВМРО-ДПМНЕ нема да успее да ја загрози европската иднина на државата. Предвремени избори нема да има. Пред СДСМ се цели и задачи кои сме презеле обврска да ги реализираме до редовниот термин за избори. Граѓаните ги препознаваат искрените политики на новото раководство на СДСМ и затоа Мицкоски во 2024 година ќе прокнижи нов пораз.