„Керамидница е во катастрофална инфраструктурна состојба. Тони Трајковски осум години ниту ја одржуваше, ниту изгради нова фекална и атмосферса канализација во оваа населба. Поради непланското градење, постоечката не може да ги опслужи потребите и нема доволен капацитет.
Трајковски два мандата не водеше сметка за дивото градење во населбата. Керамидница има итна потреба од нов Детално урбанистички план. Новата локална власт со претходна реамбулација на постојните катастарски и плански подлоги но и со геодетско снимање на теренот ќе изработи нов ДУП кој предвидува инфраструктурни проекти , безбедни сообраќајници, детски и спортски игралишта.
Трајковски осум години ветуваше проекти со крајни датуми за реализација но не ги исполнуваше. Граѓаните од овој дел на општината очекуваа нов ДУП, ново мултифункционално игралиште, уредување на насипот на кејот на реката Вардар- на потегот од Колонија до Керамидница. Проекти кои требаше да бидат готови од 2013 до 2017 но сеуште се нереализирани.
На 29 октомври граѓаните избираат ново планско уредување, детска градинка, паркови, спортски терени и детски игралишта. Избираат решавање на имотно-правните прашања за безбедна иднина на своите деца. Тие го избираат Борис Георгиевски“, се вели во соопштението на СДСМ Гази Баба.
